.

Russian Orthodox Mission Society of st. Serapion Kozheozersky

.
Русский
ru
Azərbaycan dili
az
Gjuha shqipe
sq
English
en
العربية
ar
հայերեն
hy
Afrikaans
af
Български език
bg
Cymraeg
cy
Magyar nyelv
hu
Việt ngữ
vi
Dansk
da
עִבְרִית
he
Bahasa Indonesia
id
Español
es
Íslenska
is
Gaeilge
ga
italiano
it
Қазақша
kk
ki
中文
zh
한국어, 조선말
ko
Κurdî
ku
Кыргыз тили
ky
Latviešu
lv
Lietuvių kalba
lt
Македонски
mk
Bahasa Melayu
ms
Malti
mt
Монгол хэл
mn
Deutsch
de
Nederlands
nl
Norsk
no
język polski
pl
Português
pt
Limba română
ro
Cebuano
ceb
Српски
sr
slovenčina
sk
kiswahili
sw
Tagalog
tl
Тоҷикӣ
tg
ภาษาไทย
th
Тыва дыл
tyv
Türkçe
tr
اردو
ur
Ўзбекча
uz
فارسی
fa
suomi
fi
Français
fr
हिन्दी
hi
Český jazyk
cs
Svenska
sv
eesti keel
et
日本語
ja

Реквизиты для пожертвований:

41001409981867

Ũira wa kĩroho. mũtheru Seraphim wa Vyritsa

Ũyũ ní kuuma kũrĩ niĩ
Ũira wa kĩroho wa mũtheru Seraphim wa Vyritsa (1866-1949)

Ũira ũyũ wandĩkĩrwo mwana ũmwe wa kĩroho ũriĩa wohetwo, ũira ũyũ nĩ ma nĩ wa ithuothe.
Ũri weciira atĩ marĩa moothe magũkoniĩ nĩmangoniĩ o na niĩ? Marĩa magũkoniĩ nĩmakoniĩ kĩũũma kĩa riitho riakwa.
Wee wĩ kĩumbe kĩa goro maithoinĩ makwa.

Maya nĩ kuuma kũrĩ niĩ.

Thogora waaku nĩ mũnene, na nĩngwendeete, na nĩ gĩkeno gĩakwa gũkũhũnia.
Rĩrĩa magerio mooka kũrĩ wee, rĩrĩa thũ ciooka ta makũũmbi ma iria ngwenda ũmenyage atĩ.

Maya nĩ kuuma kũrĩ niĩ.

Menyaga atĩ wonje waaku nĩũbataragio hinya wakwa na ũgitĩri waaku nĩũheyaga mweke wa gũkũgitĩra.

Maya nĩ kuuma kũrĩ niĩ.

Wĩ mathĩĩnainĩ manene gatagatĩinĩ ka andũ arĩa matagũtaũkaguo, arĩa makũnyaraire.
Niĩ nĩ niĩ Ngai waaku, ũrĩa wathaga mũtũrĩre waaku, na ti na mũũtino wĩ haarĩa ũrĩ, hau ũrĩ nĩ niĩ ngwamũrĩire.
Giithi ndwanjũririre ngũrute kwĩnyihia? Na nĩ ma ngũigĩte hau ũrĩ arĩ cũkuru wa kwĩĩruta wĩĩnyihia.

Maya nĩ kuuma kũrĩ niĩ.

Aaria mũikaranagia na mũgatindania mahingagia wendi wakwa. Wĩ na thĩĩna wa mbeeca?
Nĩũroona ũritũ wa mũtũrĩre, menya ati.

Maya nĩ kuuma kũrĩ niĩ.

Hurunjaga na ngeheria Mwĩhooko waaku nĩguo ũũke kũrĩ niĩ ũhanyukĩte. Thitoo ciakwa itithiraga indo. Kwenda we wĩĩtĩkie atĩ ndĩmwĩhokeku na hingagia ciĩranĩro ciakwa.
Reeke matikanoige ndũgetĩkie Mwathani, Ngai waaku nĩũndũ wa mabataro maaku.

Maya nĩ kuuma kũrĩ niĩ.

Nĩũũrĩtwo nĩ tooro ũtukũ nĩũndũ wa kĩeha?
Nĩũtigithanitio na arĩa me hakuhĩ na wendeete ngoroinĩ?
Niĩ ndĩ mũũndũ wa mathĩĩna, nĩmenyeete ndwari na maruo, njĩkĩte ũũ nĩ geetha ũgarũrũke kũrĩ niĩ woone ũhũrũko gĩkenoinĩ gĩa tene na tene thĩinĩ wakwa.
Wanatirikwo nĩ mũraata ũrĩa wahingũrĩire ngoro yaaku. Ndendire maya magũkore na makũhutie, nĩ geetha ũmenye mũraata waaku wa ma nĩ Mwathani.
Nyendaga ũndehere mabataro maaku moothe na ũnjarĩrie.

Maya nĩ kuuma kũrĩ niĩ.

Wanacambio, ndigiĩra Na ngoro yaaku ũmĩhoocie haarĩ niĩ, niĩ rĩũrĩro rĩaku, ngũgitĩire kuuma nĩmĩ ndũrũ.
Nĩngonania ũũma waaku ta ũtheri wa mĩaraho. Mibango yaaku yanaguo.
Ngoro yaaku nĩnoguu na ĩkaritũha?

Wanabanga mĩbango yaaku na mĩoroto yaaku ũkandehera ndĩmĩraathime? Ngwenda ũndigĩre ndongoragie maũndũ maaku na mũtũrĩre waaku, nĩũndũ wee ũrĩ o kĩĩga no ti mũtongoria.

Maya nĩ kuuma kũrĩ niĩ.

Maũndũ nĩmathũkĩte mũtũrĩreinĩ waaku; Na ngoro yaaku ĩkaiyorwo nĩ kĩeha? Menya nĩngwenda ngoro yaaku na mũoyo waaku ũrĩrĩmbokage mahiinda moothe maithoinĩ makwa; Na ũtoorie kĩeha kĩa ngoro thĩinĩ wa rĩĩtwa rĩakwa.

Wananyita ndũmĩrĩri kuuma kũrĩ andũ me hakuhĩ na wendeete? Thĩinĩ wa wĩĩtĩkio waaku mũnyinyi na thĩinĩ wa ngoro hũrĩku, ũgaitĩka kũng’ong’ora na kũrwo nĩ hinya.

Maya nĩ kuuma kũrĩ niĩ.

Kũhĩtũkĩra kũrwo nĩ hinya gwaku, nĩkũgeria ndĩrageria wĩĩtĩkio waaku; na ciĩranĩro ciakwa itagarũrũkaga, na thĩinĩ wa mahooya maaku na andũ arĩa magũkuhĩrĩire, nĩũndũ wendo wakwa nĩguo ũkũnengerete mabataro mao.
Githĩ ti wee rĩu ũnengeranĩte ũgitĩri wao kũrĩ Mũtheru mũno Mũciari wa Ngai.

Maya nĩ kuuma kũrĩ niĩ.

Hiihi wananyitwo nĩ mũrĩmũ mũũru, mũrimũ ũngĩhoneka kana ũtangĩhoneka, Wanakorwa gĩtandainĩ kĩa ndwari?
Ngwenda wee ũmenye mũno maakĩria, thĩinĩ wa wonje wa mwĩrĩ waaku na ũtakũng’ong’oira nĩũndũ Maya Moothe nĩ kuuma kũrĩ niĩ ngwenda ũgĩe na ũtaũku mũrikĩru wa mĩbango yakwa ya ũhonokio wa mĩoyo ya andũ na njĩra nyingĩ, na ũinamĩrĩke na kĩongo gĩaku ũtakũng’ong’ora mbere ya ũtugi na weega wakwa kũrĩ wee. Ũrarĩ na mworoto wagwĩka ũndũ mũũna nĩũndũ wakwa, na ũrekora gĩtandainĩ na ndwari na wonje, ĩĩ ni ũrahang’agĩra maũndũ maaku, na ndingĩahotire kũrehe meciiria maaku kũrĩ niĩ, ngwenda ngũrute ũmenye meciiria makwa, na ũmenye atĩ wagĩrĩirwo mahiinda Moothe gũkoragwo ũtungatainĩ wakwa; Ngwenda ngũrute ũmenye atĩ niĩ itarĩ ho wee wĩ tũhũ.
Amwe a atungati aakwa arĩa nyendeete mũno nĩ arĩa mathengetie mawĩra ma nanja na makanyita mawĩra ma nathĩinĩ, makarutwo bata wa mathaga ma mahooya matarĩ gũtigithĩrĩa.
Wanetwo ũrute wĩra mũritũ na iheenya mũno, wĩĩhoke niĩ. Ngũheete maũndũ maya mookoinĩ maaku nĩguo niĩ Mwathani Ngai waaku ngũraathime na njĩra ciothe.
Reeke Ngai Waaku akorwo arĩ wee mũtongoria na mũrori waaku.
Mũthenya ũyũ ndĩũigĩte mookoinĩ maaku mwana wakwa, Cuuba ĩno ya maguta matheru ĩ mookoinĩ maaku ũmahũthĩre.
Mahiindaini moothe ririkanaga, mathiĩna moothe, Kĩugo gĩoothe kĩngĩgũturithia, matũhũhũ, na mathĩĩna wĩrainĩ waaku, na maũndũ moothe marĩa mangĩgutera mwihooko na wonje waaku, na kũrwo nĩ hinya kũhakage maguta maya matheru.
Ririkanaga atĩ kĩhiingo gĩoothe nĩ ũrutani wa Ũngai, na arahũra ngoro yaaku na Kĩugo kĩrĩa ndakũhee ũmũũthi.
Menyerera Ciugo ici, na ũririkanage mahiinda moothe, harĩa hoothe ũrĩkoragwo, ruo rwuothe no rũninwo, wĩĩrute kũnyonaga thĩinĩ wa indo ciothe.
Maũndũ moothe maarĩa ũragerera, matũmĩtwo nĩ niĩ nĩ geetha therie mũoyo waaku.

Maya nĩ kuuma kũrĩ niĩ.

Gĩkũyũ translation by:
Very Rev. Fr. Philip M. Gathari
May 2012

ruРусский
azАзербайджанский
sqАлбанский
enАнглийский
arАрабский
hyАрмянский
afАфрикаанс
bgБолгарский
cyВаллийский
huВенгерский
viВьетнамский
daДатский
heИврит
idИндонезийский
esИспанский
isИсландский
gaИрландский
itИтальянский
kkКазахский
ki
zhКитайский
koКорейский
kuКурдский
kyКыргызский
lvЛатышский
ltЛитовский
mkМакедонский
msМалайский
mtМальтийский
mnМонгольский
deНемецкий
nlНидерландский
noНорвежский
plПольский
ptПортугальский
roРумынский
cebСебуано
srСербский
skСловацкий
swСуахили
tlТагальский язык
tgТаджикский
thТайский
tyvТувинский
trТурецкий
urУрду
uzУзбекский
faФарси
fiФинский
frФранцузский
hiХинди
csЧешский
svШведский
etЭстонский
jaЯпонский



© Russian Orthodox Mission Society of st. Serapion Kozheozersky
write us